Британската компанија Space Forge испрати во вселената фабрика опремена со рерна која може да достигне температури до 1.000 степени Целзиусови, која произведува материјал во вселената до 4.000 пати почист отколку кога се произведува на Земјата. Фабриката е со големина на микробранова печка и се користи за производство на материјали за полупроводници, кои можат да се користат на Земјата во електрониката во комуникациската инфраструктура, компјутерите и транспортот, објави денес BBC.

Се вели дека условите во вселената се идеални за производство на полупроводници, чии составни атоми се распоредени во високо подредена 3D структура. Кога се произведуваат во бестежинска средина, тие атоми се усогласуваат апсолутно совршено. Вакуумот во вселената исто така значи дека загадувачите не можат да влезат. Колку е почист и подреден полупроводникот, толку подобро работи.

„Работата што ја работиме сега ни овозможува да произведуваме полупроводници во вселената кои се до 4.000 пати почисти отколку што можеме моментално да ги направиме тука“, вели извршниот директор на Space Forge, Џош Вестерн.

Според него, овој тип полупроводник на крајот би можел да заврши во 5G кула за мобилни телефони.

„Тоа ќе биде во полначот за автомобили на кој ќе го приклучите вашето електрично возило и ќе биде во најновите авиони“, тврди Вестерн.

Компанијата сега планира да изгради поголема вселенска фабрика, која би можела да произведува полупроводнички материјал за 10.000 чипови.