Италијанските фудбалери ќе бидат тестирани на коронавирус на два дена пред финалето на Европското првенство, откако тројцата членови на телевизиската екипа „Раи Спорт“ кои ја следат репрезентацијата се позитивни на ковид-19.

Двајца вработени во добро познатата медиумска куќа кои беа позитивни на тестот пристигнаа во Лондон, каде на програмата е последниот дуел на Европското првенство и финалето со Англија в недела, а третиот новинар ги следеше од блиску фудбалерите во репрезентативниот тренинг камп.

Штом дознаа за позитивните тестови кај луѓето од „Раи Спорт“, во италијанската репрезентација се одлучија да ги тестираат сите фудбалери.

Информациите велат дека нема паника во редовите на Манчини, бидејќи сите играчи од претходно се вакцинирани, но Италијанците не оставаат ништо на случајноста.

Финалето на Европското првенство помеѓу Италија и Англија ќе се игра на 11 јули со почеток од 21.00 часот на стадионот „Вембли“ во Лондон.

ФОТО: Англичаните се срамат од своите навивачи, со ласер го попречуваа Шмајхел