Основното јавно обвинителство поведе постапка против 55-годишниот Ш.А. од Скопје кој во неделата ја искрши влезната врата на Бугарската амбасада.

Јавниот обвинител предложи да се определи притвор за осомничениот бидејќи постои можност за бегство и дека ќе го повтори кривичното дело.

– На 11 јануари, осомничениот од омраза ја оштетил влезната врата на Амбасадата на Република Бугарија, така што со камен го скршил стаклото на вратата и веднаш се одалечил во непознат правец – се вели во соопштението од ОЈО.

Ш.А. во неделата ја искршил влезната врата на Амбасадата на Бугарија во центарот на Скопје. Инцидентот е потврден со фотографии и видео, објавени од бугарското Министерство за надворешни работи, кое реагираше остро, оценувајќи го настанот како напад врз дипломатската мисија на државата. На видеото, напаѓачот се приближува до амбасадата и со силен удар замавнува кон вратата, по што заминува.

ВИДЕО: Камерите го фатија напаѓачот што ја скрши вратата на бугарската амбасада