Принцот Хари отвара нова медиумска битка: Ги тужи „Associated Newspapers Limited“
Во нешто што се навестува дека ќе биде нова битка со медиумите, принцот Хари ги тужи за клевета „Associated Newspapers Limited“, еден од најголемите британски медиуми, пишува „The Guardian“.
Судските поднесоци покажуваат дека принцот Хари поднел тужба против „Associated Newspapers Limited“ (ANL) во средата попладне. Тврдењата, наводно, се поврзани со напис објавен под наслов „Откриено: Како Хари се обидел да ја задржи својата правна борба за телохранителите во тајност“,(„Revealed: How Harry tried to keep his legal fight over bodyguards secret“).
Војводата од Сасекс, исто така, тужи за инвазија на приватност против „News Group Newspapers“, која го објавува „The Sun“, и „Mirror Group Newspapers“, сега „Reach“, која го објавува „Mirror“, поради наводно хакирање телефон и незаконско собирање информации.
Корпорацијата „Associated Newspapers Limited“ нема дадено изјава.
Принцот Хари (37) е вклучен и во судски спор против Министерството за внатрешни работи за неговите безбедносни аранжмани кога е во Велика Британија. Принцот ја загуби полициската заштита финансирана од даночните обврзници кога тој и Меган Маркл, војвотката од Сасекс, се повлекоа од кралските должности во 2020 година. Двојката приватно ја финансира својата безбедност во САД, каде што сега живеат.
Принцот ја оспорува одлуката на Министерството за внатрешни работи да не му дозволи лично да плаќа полициска заштита за себе и за своето семејство додека е во Велика Британија.
Хари сака да ги донесе синот Арчи и ќерката Лилибет на гости, но неговите адвокати велат дека тој и неговото семејство „не можат да се вратат во неговиот дом“ бидејќи тоа е премногу опасно. Ова следува по инцидентот во Лондон во летото 2021 година, кога неговата безбедност беше загрозена откако неговиот автомобил беше бркан од папарацо фотографи додека принцот напушташе добротворен настан.
Полицијата ги „чешла“ принцовите: Чарлс и Хари се под истрага!
