Основното јавно обвинителство Скопје започна истрага против скопјанец кој во центарот на Скопје кај сендвичарата „Вили“ на 17 овој месец, им вперил пиштол и ги нападнал двајцата вработени во во угостителскиот објект.

„Осомничениот откако дошол во задниот дел на сендвичарата, се доближил до вработените и им се заканил со пиштол барајќи да му ги дадат парите од платниот промет. Една од оштетените успеала да влезе и да се заклучи во сендвичарата, по што осомничениот продолжил да се заканува на втората оштетена и ги одзел паричните средства кои во тој момент ги имала кај себе. Откако не успеал да ја отвори вратата на сендвичарата, осомничениот се оддалечил, испукал еден проектил од пиштолот и се дал во бегство.

Со дејствијата кои ги презел, осомничениот го извршил кривичното дело разбојништво. Ообвинителството до Основниот кривичен суд Скопје достави и предлог за определување на мерката притвор ценејќи дека постојат околности што укажуваат на опасност од бегство, околности кои што укажуваат дека осомничениот ќе ја попречува кривичната постапка со влијание врз сведоците и дека постои страв  дека ќе го повтори кривичното дело“, извести ОЈО.