Францускиот левичар Жан-Лук Меланшон според анкетите се крена за едно место во клучниот вториот круг на француските претседателски избори, а сега се чини дека тој добива поголема популарност во време кога екстремно десничарските ривали доживеаја пад поради нивните проруски ставови.

Меланшон, 70-годишен поранешен социјалистички министер, се крена на третото место во анкетата на Елабе, прескокнувајќи го екстремно десничарскиот кандидат Ерик Земур.

Меланшон, кој се кандидира за претседател по трет пат,  неговата популарност се зголеми за 0,5 процентни поени со 13%, пред Земур, чија популарност падна на 11%, што е пад од 3 поени и зад лидерката на екстремната десница Марин Ле Пен. Францускиот претседател Емануел Макрон е главен фаворит, добивајќи 8,5 поени за да застане на 33,5 отсто во првиот круг на 10 април.

„Фактот дека можам да стигнам до вториот круг го менува политичкиот дискурс“, рече Меланшон на прес-конференција.

Конфликтот во Украина влијае врз популарноста на кандидатите

Војната во Украина ја промени француската изборна кампања, давајќи му поттик на Макрон, кој има корист од неговите френетични дипломатски напори да посредува меѓу рускиот претседател Владимир Путин и украинскиот претседател Володимир Зеленски.

Исто така, ги повреди оние кои изразија отворени про-Путин ставови како што се Земур, кој еднаш рече дека Путин „може да биде Французин“ и Ле Пен, која отпатувала во Москва за да се сретне со рускиот лидер за време на последната претседателска кампања.

И двајцата мораа да ја оправдаат својата мината поддршка и мораа да ја осудат Русија поради офанзивата во Украина.

Меланшон, кој сака Франција да го напушти НАТО и беше обвинет од другите противници за самозадоволство кон Русија, претрпе помалку од неговиот претходно русофилски став отколку другите кандидати, благодарение на напливот на поддршка од левичарските гласачи.

Една левичарска кандидатка, Кристијане Таубира, не успеа да ги собере 500-те потписи неопходни за да се кандидира за претседател, а нејзините поддржувачи одлучија наместо тоа да го поддржат Меланшон. Другите левичарски кандидати – Јаник Јадот од Зелените и социјалистката Ан Идалго во анкетите паднаа како последни во трката.

Сепак, анкетите покажуваат дека Макрон има убедливо водство против сите кандидати, вклучително и Меланшон, кој се залага за контрола на капиталот, 32-часовна работна недела и враќање на старосната граница за пензија на 60 години.