Претседателката Гордана Сиљановска-Давкова изјави дека во моментов нема закани по стабилноста и безбедноста на државата, ниту, пак, индикации за ризик во регионот, по седницата на Советот за безбедност посветена на случувањата на Блискиот Исток откако САД и Израел го нападнаа Иран во саботата.

Таа посочи дека институциите внимателно ја следат ситуацијата и дека функционира систем за рано предупредување, при што надлежните органи се во постојана координација.

Претседателката изјави дека ќе продолжи размената на информации и соработка со регионалните партнери.

На седницата, со која претседаваше претседателката, присуствуваа претседателот на Собранието Африм Гаши, премиерот Христијан Мицкоски, министрите Панче Тошковски и Владо Мисајловски, како и експертите Џевдет Хајредини, Малинка Ристевска Јорданова и Владо Спиридонов.

Министерот за надворешни работи, Тимчо Муцунски, учествувал преку видео-врска, додека на состанокот биле и директорите на разузнавачките и безбедносните служби, како и началникот на Генералштабот, генерал-мајор Сашко Лафчиски.

МНР: Формиран кризен штаб кој континуирано ја следи состојбата и е достапен 24 часа