ДУИ имаше добра кампања за да биде во центар на вниманието и тоа мотивираше доста Албанци да гласаат, бидејќи објективно партиите што се на власт кај граѓаните имаат негативна позиција, рече претседателот на Демократски сојуз Павле Трајанов во „Само вистина“, а потоа дополни дека тезата на ДУИ со која настапија во предизборната кампања била повеќе симболична.

-Со тоа обезбеди голем број гласачи и 15 пратеници и ако со 10 имал 4 плус 2, веројатно сега бара повеќе ресори. Османи изјави дека тоа е повеќе симболично прашање, а не реално. Претпоставувам дека инсистираат по секоја цена да имаат можност што за мене е неприфатливо преку уцени да се дојде до власт, рече Трајанов.

Според Љупчо Пренџов, потпретседател на ГРОМ, неопходно е да се направи анализа, односно да се тргне од причината за предвремените паралентарни избори.

-Независно кој ќе ја прави Владара, да направиме анализа и што беше причината за предвремените паралентарни избори. Причината беше шлаканицата од ЕК пред 10 месеци и недобивање датум за преговори, иако направивме најголеми отстапки. Најголемите критики од ЕУ се дека има селективна правда и право, а главната е дека малата корупмирана политичка елита живее на грбот на чесното мнозинство и не добивме датум ради корупцијата. Да бидеме чесни, во последните 20 години секоја партија имаше корумпирана елита која ја зацрнуваше партијата, но последните години некои се прочистија од тие кадри, а други не ни сакааат да се чистат. Јас сметам дека доколку една година покасно се појавиме со двоецот Заев – Ахмети во Брисел ќе добиеме ист или полош одговор од минатата година и ми е жал што доколку успее да се направи ваква влада, граѓаните уште долго време ќе тапкаат во место, рече тој.