Премиерот Ковачевски и сопругата Елена беа на прием кај Бајден
Премиерот Димитар Ковачевски, заедно со сопругата Елена, денеска во Њујорк присуствуваа на свечениот прием за претседателите на држави и влади, организиран од претседателот на Соединетите Американски Држави, Џо Бајден и неговата сопруга Џил.
Приемот во организација на Бајден се одржа како дел од 77-то Генерално собрание на Обединетите нации.
„Присуството на премиерот Ковачевски на приемот организиран од претседателот Бајден е уште една потврда на долгогодишното стратешко партнерството на Северна Македонија со САД, како и поддршката што како држава ја добиваме во исполнување на клучните цели, но и за реализација на предвидените приоритетни политики за економски, социјален и демократски просперитет на државата. Придобивките од членството на Северна Македонија во НАТО и стратешкото партнерство со САД, се од исклучително значење за нашата држава особено во овој период на глобална економско-енергетска криза со која се соочува целиот свет“, велат од Владата.