Неколку видови ладен чај кои се продаваат во германските дуќани на Реве и Пени моментално се повлечени од продажба. Се работи на неколку чајни пијалаци на „Јунајтед соф дринкс“ од Утрехт, Холандија, кои се продаваа во овие дуќани, а мерката е превентивна, објави Феникс магазин. Причината, според соопштението на компанијата, се парчиња пластика што можеа да се најдат во некои шишиња од пијалокот. Кои производи се засегнати?

Повлекувањето се однесува на следниве производи: чајен пијалок Тирс Ти „Манго“, чајен пијалок Тирс Ти „Диња“ (лубеница) и чајен пијалок Tирс Ти (кокосова боровинка). Причината за претпазливото повлекување се мали, меки, белузлави парчиња пластика со големина од приближно 0,7 см, кои може да бидат присутни во некои пакувања. Бидејќи не може да се исклучи ризик по здравјето ако се проголта пластиката, компанијата веднаш реагираше и ги повлече предметните производи од полиците. На клиентите им се препорачува да не ги консумираат предметните пијалоци. Производите може да се вратат во која било продавница Реве или Пени, а парите ќе им бидат вратени.