Предупредување од Москва: Турција распоредува воена опрема и изведува операции во Сирија
Руското Министерство за одбрана денеска предупреди дека Турција распоредува воена опрема и изведува операции за утврдување на главните пунктови во областа Аин-Иса во провинцијата Рака.
– Русија е длабоко загрижена за трансферот на воена опрема од страна на турските вооружени сили, се наведува во документот, без да се наведат детали.
Во меѓувреме, Анкара соопшти дека територијата под контрола на Турција во северна Сирија беше цел на ракетен напад во текот на изминатите 24 часа. Министерството за одбрана на Турција соопшти дека ракетите биле истрелани од воениот аеродром Квејерс кон цивилни цели, како и врз цистерни со бензин, при што се повредени цивили.
Властите во Анкара соопштија дека разговарале со руската Влада и повикале на стопирање на ракетните напади од териториите контролирани од Дамаск.