Не така одамна Лестер беше клуб кој ја направи најголемата сензација во историјата на Премиер лигата, а сега се на чекор од местата што водат во третото ниво на англискиот фудбал.

Десет години откако ја испишаа најубавата бајка и ја освоија англиската Премиер лига пред сите големи клубови, фудбалерите на Лестер се наоѓаат на делба на позициите што водат во третата лига во англискиот фудбал или Лига 1.

Лестер во оваа сезона влезе како еден од фаворитите за експресно враќање во Премиер лигата, но резултатите се катастрофални. И тоа не е сè. Сега пристигнаа уште полоши вести, откако раководството на лигата им одзеде шест бодови.

Популарните „Лисици“ ги прекршиле правилата на лигата за профит и одржливост. Поради тоа, им беа одземени шест бодови, што значи дека сега се на делба на местата кои водат во третата лига заедно со Вест Бромвич и Блекбурн, сите со по 32 бодови. Под нив се Оксфорд, кој има шест бодови помалку од безбедната зона, како и веќе отпишаниот Шефилд Венсдеј со минус седум бодови. „