Пратеници и гости од соседството ДАДОА ПОДДРШКА на првата Парада на гордоста во Скопје (ФОТО)
Започна историскиот, прв марш на Парадата на гордоста во Скопје, во која засега се вклучија над 1000 учесници. Забележани се и политичари, а евидентно е и присуството на поддржувачи од соседните земји.
Има и мажи облечени во дрег, многу млади, но и голема поддршка и присуство на родителите на припадници од ЛГБТИ заедницата. Забележано е и не така големо како најавуваното полициско присуство, но сепак строга контрола на тоа кој влегува во заштитената зона, каде се наоѓаат учесниците на Парадата.
Секој учесник или граѓанин кој е дел од Парадата претходно се регистрираше, по што доби и маичка на која пишува „Skopje Pride 2019“.
Уште на самиот почеток група граѓани отстрана довикуваа навредливи зборови кон присутните, но сето тоа беше успешно исконтролирано од страна на полицијата.
Маршот продолжува накај Школка во Градски парк.