Полицијата интензивно трага по осомничениот Кристијан Р.(53), кој во петокот утрото ги уби 12-годишната ќерка и неговата сопруга, а според информациите, се сомнева дека побегнал во Хрватска, каде имал закотвен брод, пишува германски Билд.

Обдукцијата на мајката се уште е во тек и се чека конечниот резултат, но како што пренесуваат медиумите, се верува дека ја убил со голи раце или ја претепал до смрт.

Обдукцијата на телото на ќерката покажала дека осомничениот ја задавил.

Да потсетиме, телото на позната адвокатка и нејзината ќерка биле пронајдени во петокот околу 07:20 часот, по што мајката на убиената повикала полиција бидејќи не можела да стапи во контакт со ќерката и внуката.

„Нема полициска историја поврзана со ова семејство“, изјави полицискиот портпарол за Билд.

Полицијата не ја исклучува можноста таткото да се самоубил.

Се уште не е познат мотивот на злосторството.