Мајкл Карлтон „Кал“ Бојингтон, агент за таленти и продуцент на реалното ТВ шоу „Озборнс“, почина на 53-годишна возраст.

Бојингтон беше пронајден мртов во понеделникот во неговиот дом во Сан Педро, Калифорнија, објави „Варајати“ пренесува „Дејли мејл“.

Cal Boyington, Veteran TV Agent and Producer, Dies at 53 https://t.co/V0N76TlFm1

— Variety (@Variety) November 22, 2024

Неговиот брат Б.Г. Дики изјави за „Дедлајн“ дека причината за смртта на Бојингтон сè уште не е утврдена.

Бојингтон претходно работеше во „ICM Partners“ како агент и во „Paradigm Talent Agency“ како шеф на алтернативно програмирање, пред да ја основа својата организација, „Vital Artists Agency“, пред четири години.

Меѓу значајните проекти на кои работел е „Озборнс“, хит на музичкиот канал „Ем-ти-ви“ што се емитуваше од 2002 до 2005 година.

Влијателното реално шоу се фокусираше на мејнстрим рок ѕвездата Ози Озборн и ги следеше неговата сопруга Шерон, ќерката Кели и синот Џек.

Успехот на „Озборнс“ доведе до други реални шоуа за славните, како што се „Hogan Knows Best“, „Family Jewels“ на Џин Симонс и „Rock of Love“ со Брет Мичелс.

Други значајни серии на кои работел како извршен продуцент се „VH1’s Cabo“, „Comedy Central’s Workaholics“, „HDNet’s Baker Boys: Inside the Surge“ и „Hulu’s R5 Sons Alaska“.