Позитивен тест нема да откаже трка во Формула 1
Трката за Големата награда на Австралија во март беше откажана откако член од тимот на Мекларен беше позитивен на Ковид-19.
Генералниот директор на Формула 1, Чејс Кери изјави дека трките нема да бидат откажано доколку возач или член на тим биде позитивен на коронавирус.
Како што е веќе познато, организаторите на Ф1 потврдија осум трки оваа натпреварувачка сезона 2020.
– Имаме процедура која ќе ни овозможи позитивен тест на коронавирус да не доведе до откажување на трка. Доколку возач биде заразен, тимовите имаат резервни возачи – им рече Кери на новинарите после одлуката за старт на сезоната.
Трката за Големата награда на Австралија во март беше откажана откако член од тимот на Мекларен беше позитивен на Ковид-19.
– Има премногу сценарија за да го анализиме секое, но доколку тим не може да се натпреварува, тоа нема да биде причина за откажување на трките – додаде Кери.