Потврдени осум трки, Ф1 сезоната ќе започне на 5 јули!
Во Австрија и Велика Британија ќе се возат по две трки, а по една во Унгарија, Шпанија, Белгија и Италија.
Новата сезона во најбрзиот „циркус“ на светот ќе стартува во Австрија на 5 јули 2020 година, потврдија организаторите.
Денеска официјално потврдени се термини на осум трки, сите на европско тло. Во соопштението се вели дека Формула 1 шампионатот ќе започне со две трки во Австрија (5 и 12 јули).
Потоа, на 19 јули ќе биде одржана и трката за Големата награда на Унгарија. Ќе следува пауза од 14 дена, па уште две трки во Велика Британија, и по една во Шпанија, Белгија и Италија.
На „Силвертоун“ ќе се вози на 2 и 9 август, додека трката во Барселона е закажана за 16 август. На 30 август најдобрите Ф1 возачи ќе се натпреваруваат во Белгија, а на 6 септември во Италија.
Не се објавени плановите за останатиот дел од сезоната, бидејќи е неизвесно како ќе се развива ситуацијата со пандемијата на коронавирус. Сите трки ќе бидат одржани без присуство на навивачи, додека учесниците ќе мора да ги почитуваат мерките и препораките за заштита од Ковид-19.
FULL STORY: All the details on the opening 8 races of 2020 #F1 https://t.co/sL5C829j5s
— Formula 1 (@F1) June 2, 2020
