Пожар утринава пламнал во куќа во строгиот центар на Кавадарци. Благодарение на интервенцијата на кавадаречките пожарникари и помошта од граѓаните, пожарот за брзо време е локализиран.

Од Територијалната противпожарна единица од Кавадарци, информираат дека интервенирале околу час и половина со четири возила и десет пожарникари. Борбата со пламените јазици не била едноставна, бидејќи во тој дел на градот куќите се стари и лепенки една со друга. Дополнителен проблем бил тешко пристапниот терен во тесната уличка „Тошо Велков – Пепето”.