Гори борова шума над месноста Брушани кај Тиквешко Езеро. Информација ја потврдија за МИА од Територијалната противпожарна единица во Кавадарци, од каде нагласија дека по дојавата за пожар, на терен веднаш заминало противпожарно возило со двајца пожарникари, а во моментов тргнува уште едно возило со четворица пожарникари и доколку има потреба, уште возила и пожарникари ќе се упатат на лице место.

Според првичните информации што ги имаат, причината за пожарот најверојатно е човечки фактор.

Од Противпожарната служба уште еднаш апелираа до населението за совесност и внимателност, со цел да не се предизвикуваат пожари.