Најдобриот одбојкарски тренер, Јошко Миленкоски по 15 години се враќа на кормилото на на македонската репрезентација.

Оваа информација вечерва во гостувањето на „ТВ 24“ ја потврди претседателот на федерацијата, Петар Јовановски. Миленкоски 11 години беше селектор на Македонија од 1997 до 2008 година и во Македонија се враќа од Грција каде што го водеше ПАОК и неодамна стигна до трофејот во Купот.

Миленкоски се враќа токму пред Европското првенство на кое Македонија е ко-организатор заедно со Италија, Бугариај и Израел.

„Можам да потврдам дека имаме нов селектор, го одбраме најдоброт и тоа е македонски производ. Нов селектор на одбојкарската репрезентација ќе биде Јошко Миленкоски. Мислам дека сите заедно созревавме, најдовме одлично решение и спремни го очекуваме Европското првенство“, изјави Јовановски.

Во минатото Миленкоски беше тренер на Борец, Работнички, Будванска Ривера, Сфаксиен, Малија Мили Пијанго, Зиран Банка Анакара, Фионикас и Сирос. Еден период беше и селектор на Турција.

Разговор со Јошко Миленкоски: ПАОК супериорно го освои Купот на Грција – ЕП 2023 во Македонија е извонредна можност за афирмација