Во сите детски градинки во општина Аеродром, „Срничка“, „Калинка“, „Црвенкапа“, „Лале“, „Чекорче“, „Бамби“, „Буба Мара“, „Сонце“, „Пчелка“ 1 и 2 и „Лавче“ поставени се прочистувачи на воздух со највисоки стандарди на заштита, кои Општината ги доби како донација од Владата, информира градоначалникот Дејан Митески.

 Овие уреди користат H14 HEPA филтри кои задржуваат над 99.995% од вирусите, бактериите и другите микроорганизми, овозможувајќи квалитет на воздух каков што има во стерилни простоии. Дополнително, имаат и префилтер со активен јаглен кој ја намалува непријатната миризба, озонот, NO₂ и VOCs. Со капацитет за проток на воздух од 2500 m³/h, обезбедуваат околу 5 разменувања на воздух на час – вели Митески.

.