Изминатиов период екипите на ЈП „Улици и патишта“ поставија заштитни столпчиња на повеќе фреквентни градските сообраќајници каде е констатирано дека тоа е неопходно. Така, на улицата Московска се поставени 345 заштитни столбови по целата должина на улицата, на булевар АСНОМ 60 – тина, а 140 заштитни столпчиња се поставени и на реконструираната улица Даме Груев. Вчера столпчиња доби и улицата Антон Попов, а во наредниот период, како што најавуваат од претпријатието, ќе продолжат со овие активности и на други улици за коишто Град Скопје има дадено налог за работа.

Санацијата на оштетените заштитни столпчиња се одвива редовно, како дел од тековните активности на претпријатието за одржување на сообраќајната опрема на патиштата и е со цел зголемување на безбедноста на сите учесници во сообраќајот, како и за спречување на непрописно паркирање на возилата – велат од „Улици и патишта“.