Португалци и Турци за Шкупи и Силекс, ЦСКА Софија ја чека Струга Трим Лум
Денеска со жрепка трите македонски екипи Шкупи, Силекс и Струга Трим Лум ги дознаа противниците во второто квалификациско коло на Конференциската лига на УЕФА.
Вчера нашите претставници ги дознаа противниците во првото квалификациско коло каде ќе се соочат со Лапи (Косово), Лиепаја (Летонија), односно Петрокуб (Молдавија).
Доколку Шкупи слави против Лапи, во следното коло тимот од Чаир ќе ги одмери силите против Санта Клара од Португалија.
Потоа, Силекс, освојувачот на Купот на Македонија доколку биде подобар во дуелите со молдавскиот Петрокуб за ривал во второто коло ќе го има Сиваспор од Турција.
И последниот наш претставник кој дебитира на меѓународната сцена, Струга Трим Лум доколку слави над Лиепаја од Летонија, во следната фаза ќе игра против ЦСКА Софија од Бугарија.
Првите натпревари од второто квалификациско коло на Конференциската лига на УЕФА ќе бидат одржани на 22 јули, а седум дена подоцна се реванш средбите.
Шкупи, Силекс и Струга ги дознаа ривалите во УЕФА конференциската лига