Актерот Брајан Остин Грин направи вазектомија по раѓањето на своето петто дете. Ѕвездата од „Беверли Хилс“ го доби синот Зејн со свршеницата Шарна Бурџис во јуни 2022 година. Во неодамнешната епизода на поткастот „Олдиш“, тој изјавил дека од раѓањето на Зејн, тој поинаку гледал на татковството.

– Смешна приказна. Не планирав ниту едно дете. Секој пат беше „Ох, во ред е, можеме ние“. Ги сакам моите деца и никогаш не сум се противел на ниедно од нив, но никогаш не сум доживеал да чекам тест за бременост и да се надевам дека ќе биде позитивен – изјавил Брајан.

Неговата свршеница изјавила дека би сакала да има повеќе деца, но потоа се сетила дека „имаат четири мали деца дома“ што им прави многу обврски.

– Доколку имав уште едно дете, ќе морав да имам автомобил доволно голем за да собере две детски седишта, а кога патувате, мора да плаќате хотелска соба за сите посебно, авионски билет, тоа е многу. Кога се роди Зејн, реков: „Мислам дека е време да се затвори продавницата“ – рече тој, откривајќи дека направил вазектомија кога Зејн имал само осум недели.

Бурџис ја почитувала неговата одлука.

– Тоа е толку одлична и убава работа што ја направи. Тоа обезбедува утеха и никаков стрес во нашиот сексуален живот. Не мора да се грижиме, што е таков подарок – изјавила таа.

Покрај Зејн, актерот го има и синот Касиус Лијах (21) со поранешната девојка Ванеса Марсил и синовите Ноа Шенон (11), Боди Ренсом (9) и Џорни Ривер (7) со поранешната сопруга Меган Фокс.