Интервјуто со претседателот Стево Пендаровски, кое требаше да се емитува вечерва во живо на ТВ21, е одложено поради безбедносни причини, соопшти телевизијата.

Како што рече водителот на емисијата „Клик плус“, Борјан Јовановски, проблематична била локацијата на телевизијата, чии простории се во поранешното кино „Вардар“ во центарот на Скопје, на само стотина метри од Собранието, каде вечерва се одржа протест против францускиот предлог за почеток на преговори на земјава за членство во ЕУ.

По ескалацијата на насилството и апсењата кои се случија на протестот, била донесена одлука да се откаже интервјуто, велат од ТВ21.