Поради безбедносни причини откажано вечерашно интервју со претседателот Пендаровски

Стево Пендаровски во „Утрински брифинг“ / Фото: ,,Слободен печат'' - Драган Митрески

Интервјуто со претседателот Стево Пендаровски, кое требаше да се емитува вечерва во живо на ТВ21, е одложено поради безбедносни причини, соопшти телевизијата.

Како што рече водителот на емисијата „Клик плус“, Борјан Јовановски, проблематична била локацијата на телевизијата, чии простории се во поранешното кино „Вардар“ во центарот на Скопје, на само стотина метри од Собранието, каде вечерва се одржа протест против францускиот предлог за почеток на преговори на земјава за членство во ЕУ.

По ескалацијата на насилството и апсењата кои се случија на протестот, била донесена одлука да се откаже интервјуто, велат од ТВ21.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот