Полицаец од станицата „Центар“ малтретирал жена
Одделот за внатрешна контрола на МВР поднесен кривична пријава против полицаецот В.С. од полициската станица „Центар“ во Скопје кој малтретирал жена.
Од МВР известија дека против полицаецот е поднесена кривична пријава за сторено кривично дело малтретирање во вршење на служба.
Според полицијата, ноќта помеѓу 28 и 29 минатиот месец, сега осомничениот врз приведена жена применил средства за присилба и физичка сила во повеќе наврати, без да бидат исполнети условите за употреба на средства за присилба.
„Од извршениот увид во видео записот на полициската станциа „Центар“ евидентно е дека во случаите на употреба на физичка сила се исполнети елементите на кривичното дело. Против полицискиот службеник е поведена и дисциплинска постапка за утврдување на одговорност“ се вели во наодот на Одделот за внатрешна контрола на МВР.