Подгответе се концерт од дома: Вечерва настапуваат Тијана Дапчевиќ и Тамара Тодевска
Популарните пејачи Тијана Дапчевиќ и Тамара Тодевска вечерва во 21 часот ќе одржат концерт во живо на стриминг платформата – „YOUBOX“.
Ова ќе биде нивниот прв онлајн концерт и публиката ќе има можност по подолго време да ги види славните сестри заедно на сцената. Она што гледачите можат да очекуваат е одлична атмосфера и маестрално изведба на домашни и странски хитови.
View this post on Instagram
„За жал, сè уште не можеме да се дружиме во живо, но затоа тимот на „YOUBOX“ се обиде да направи светски онлајн концерт. Се гледаме во вторник, на 23 февруари во 21 часот, затоа што јас и Тамара правиме забава!“, им порача пејачката Тијана Дапчевиќ на сите нејзини следбеници на социјалните мрежи.
Најголемите музички ѕвезди од регионот, неочекувани локации и директна комуникација со публиката придонесоа „YOUBOX“ да стане најкористената музичка апликација во регионот со над 400.000 регистрирани корисници.
View this post on Instagram
Првата домашна платформа за стриминг е достапна за преземање целосно бесплатно за сите корисници.