Поддршка од Ѓоковиќ за Осака: И јас се мачев со депресија, Наоми е многу храбра
Најдобриот светски тенисер застана во одбрана на јапонската тенисерка.
Одлуката на Наоми Осака да се повлече од Ролан Гарос поради проблеми со менталното здравје, сè уште е главна вест број еден во тенискиот свет. Изјавата на Осака дека за време на Ролан Гарос нема да комуницира со медиумите крена голема прашина и на крај резултираше со парична казна за тенисерката по што таа се повлече од турнирот во Париз.
Во објаснувањето на својата одлука, Наоми Осака истакна дека има сериозни проблеми со депресијата и анксиозноста, по што почна да добива поддршка од сите страни. Меѓу тие кои упатија зборови со поддршка е и Новак Ѓоковиќ.
– Мислам дека Осака е многу храбра поради тоа што го направи. Навистина ми е жал што поминува низ тежок период. Морам да кажам дека нејзината одлука е храбра. Доколку и е потребно време да размисли и да се опорави, тогаш тоа и мора да го направи, а јас во целост на почитувам нејзината одлука. Се надевам дека ќе се врати посилна – порача Ѓоковиќ и додаде дека и тој се борел со депресија:
– Вистина е дека и јас се борев со депресија од УС Опен 2018 година и имав проблеми да се изборам со тоа. Наоми е млада, можам да ја разберам и сочувствувам со неа бидејќи и јас многу пати го извлекував подебелиот крај со медиумите и знам какво е чувството.