Почина сопственикот на вториот најскап клуб на светот
Хенк беше најстариот син на Џорџ Стајнбренер, беше препознатлив по својот груб јазик и изјавите со кои ги омаловажуваше противниците.
Денеска почина Хенк Стајнбренер, сопственик на еден од најскапите спортски клубови на планетата, Њујорк Јенкис. Тој после долга и тешка болест почина во 63 година во својот дом во Клирвотер (Флорида, САД).
Хенк беше најстариот син на Џорџ Стајнбренер и воглавно работеше зад сцената, додека неговиот брат Хал водеше како прв човек на бејзбол клубот вреден огромни пет милијарди долари.
The New York Yankees mourn the passing of General Partner and Co-Chairperson Henry G. “Hank” Steinbrenner. pic.twitter.com/rL07EUHirS
— New York Yankees (@Yankees) April 14, 2020
Семејството Стајнбренер е во сопствеништво на Јенкис од 1973 година и тогаш за овој клуб беше платено околу девет милиони долари, а сега покрај Далас Каубојс е вториот најскап клуб на светот.
Каубојси кон крајот на минатата година вредеа пет милијарди, но сега се проценуваат на околу пет и пол милијарди долари. Хенк имаше четири деца, две ќерки и два сина. Беше препознатлив по својот груб јазик и изјавите со кои ги омаловажуваше противниците.
Њујорк Јенкис досега во својата историја во американската бејзбол МЛБ лига освои 27 шампионски титули.