Познатиот актер Рику Браунинг почина на 93-годишна возраст. Ќе остане запаметен по многубројните улоги, меѓу кои и онаа во хорор класиката „Creature from the Black Lagoon“ од 1954 година, во која го глумеше Гилман.

 

View this post on Instagram

 

A post shared by @horribleshowpod

Рику Браунинг почина на 27 февруари од природна смрт во својот дом на Флорида, пишува „Дејли мејл“. Семејството сега ја објави тажната вест.

„Имаше неверојатна кариера во филмската индустрија, пружајќи прекрасна забава за минатите и идните генерации“, изјави неговата ќерка за „Холивуд репортер“.

 

View this post on Instagram

 

A post shared by @kjacks.45

Во остварувањето на Џек Арнолд „Creature from the Black Lagoon“ , Браунинг го глумеше човекот – шкрга Гилмeн, мешавина од човек и водоземец со кој се бореше група научници.

Рику Браунинг, кој е роден во Флорида, каде што ги завршил студиите по физичко воспитување, ќе остане запаметен и како режисер, сценарист, продуцент, подводен снимател и каскадер.

Меѓу неговите бројни актерски и режисерски дела се издвојуваат насловите: „The Creature Walks Among Us“, „Flipper“; „Raise the Titanic“, „Police Academy 5: Assignment Miami Beach“ и многу други.