Почина 17-годишниот син на пејачката Шинејд О’Конор: Почивај во мир, светлино моја

Шинејд О'Конор
Шинејд О'Конор и нејзиниот син / Фото: Принтскрин Твитер/Јутјуб

Почина 17-годишниот син на ирската пејачка Шинејд О’Конор. Кантавторката на својот твитер-профил ја потврди трагичната вест.

„Мојот прекрасен син, Невиим Неста Али Шејн О’Конор, светлината на мојот живот, реши да ја прекине својата земна борба денес и сега е со Бога. Нека почива во мир и никој да не го следи неговиот пример. Моето дете. Те сакам многу“,

Нејзиниот син Шејн наводно исчезнал од болницата Лин Вард во четвртокот, а полицијата веднаш тргнала во потрага. Последен пат бил виден во населбата Талахт во јужен Даблин, а во саботата полицијата објави дека потрагата е прекината, пренесува „Daily Mail“.

Пејачката има уште три деца, синот Џејк Рејнолдс (34), ќерката Роисин (25) и Јешу (15).

Видео на денот