По вчерашното невреме кое го погоди Скопје, оставајќи го градот зад себе со поплавени улици и автомобили заглавени во водата насобрана под подвозниците, со урнати покриви и испаѓани дрва и билборди, денеска постепено ситуацијата се нормализира и се санираат последиците од дождот.

Екипите на јавните претријатија “Улици и патишта“, „Паркови и зеленило“ и „Водовод и канализација“ интервенираа за расчистување на улиците и тротоарите за нормализирање на сообраќајот, за расчистување на сливниците и паднатите дрвја и билбордите од коловозите и тротоарите.

Како што информираат од „Улици и патишта“ интервенции со расчистување на сливниците и паднати дрва имало на булеварите Партизански одреди, Метрополит Теодосиј Гологанов, Кочо Рацин, Филип Втори, подвозник на булевар Киро Глигоров, потоа на булаварите Јане Сандански, на Гоце Делчев кај МТВ и на други локации.

 Настанатите последици на светлосната сигнализација сѐ уште се санираат на терен и ќе продолжат во текот на целиот ден со цел воспоставување на нормално функционирање и безбедност во сообраќајот – велат од претпријатието.