Три месеци по завршувањето на мандатот на директорката на Агенцијата за слободен пристап до информации, Пламенка Бојчева, собраниската комисија за избори и именувања конечно избра предлог за нејзин наследник, пренесува 360 степени.

Имено, како нов потенцијален прв човек на институцијата која нема директор од 25 декември, чии вработени три месеци немаа земено плата, нема официјална интернет страна и не работи по жалби, е именуван Петар Гајдов.

Агенцијата без директор, вработените без плата

Како што пренесува медиумот, Гајдов бил државен советник за правни работи кој веќе петта година работи во Агенцијата за слободен пристап до инфромации од јавен карактер, а предлогот треба да се разгледува на пленарна седница на собраниската комисија.