По „Јавна соба”, се воведува кривично дело „демнење“, затвор до 3 години
По скандалот со групата „Јавна соба“ Министерството за правда најавува дека се пподготвени законски измени во Кривичниот законик, со кои се воведува и ново дело кое ќе биде дополнителна заштита, меѓу другите и за ваквите случаи. Поточно, ќе се додаде член во кој се вметнува терминот „Демнење”.
– Се вметнува терминот „Демнење” и се објаснува дека тој што истрајно и за подолго време неовластено ќе следи, прогонува или на друг начин се меша во личниот живот на друг или со него воспоставува или настојува да воспостави од него несакан контакт со движење во просторот каде се наоѓа тоа лице, со злоупотреба на користење на личните податоци, со користење на телекомуникациски или други средства за комуникација или на друг начин психички го злоставува, вознемирува или застрашува и со тоа ќе предизвика чувство на несигурност, вознемиреност или страв за неговата сигурност или сигурноста на нему блиско лице, ќе се казни со парична казна или со затвор до три години – соопштија од Министерството.