Добро познатиот регионален бренд Плазма започна со производство во Лагос, Нигерија, правејќи го својот прв настап на африканскиот пазар. Проектот е резултат на соработка помеѓу Бамби, Кока-КолаХБЦ Груп, Нигериан Ботлинг Компани (НБЦ) и Сона Груп, локален производител на бисквити, објави компанијата. Плазма е првично српски бренд произведен од компанијата Бамби од Пожаревац, членка на Кока-Кола НБЦ Груп, а во последниве години е позициониран како регионален производ присутен на повеќе од 30 пазари низ целиот свет.

Производството во Нигерија е наменето исклучиво за локалниот пазар и се одвива во фабриката на Сона Груп во Лагос, додека рецептот, пакувањето и комуникациската кампања се прилагодени на нигериските потрошувачи. Според соопштението на компанијата, проектот е започнат во 2022 година и завршен за три години. Со овој потег, Бамби станува регионален центар за развој и производство на бисквити во рамките на системот. Влегувањето на нигерискиот пазар, еден од најголемите во Африка со речиси 240 милиони жители, го означува почетокот на пошироко проширување на брендот како дел од глобалната стратегија на ХБЦ, објави СЕЕ.биз.еу.

Иако Плазма со години се извезува на повеќе од 30 пазари низ целиот свет, ова е прв пат Плазма да се произведува надвор од Србија. „Следното нешто е да ги освоиме срцата на потрошувачите во Нигерија“, коментираше извршниот директор на Бамби, Драган Стајковиќ.