21-годишен жител на Неготино, кој бил под дејство на алкохол посилно од дозволеното, вчера доцна попладне е уапсен откако возел со брзина поголема од 100 километри на час на булевар во градот, соопшти МВР.

„Вчера во 19:05 часот на бул. „Маршал Тито“ во Неготино, уапсен е А.С (21) од Неготино, затоа што при радарска контрола било утврдено дека управувал патничко возило „бмв“ со неготински регистарски таблици, со брзина од 106 км/ч на место каде што со сообраќаен знак брзината е ограничена на 50 км/ч во населено место. Исто така, при извршеното алкотестирање утврдено е дека има 0.78 промили алкохол во крвта, известија од полицијата. По целосно документирање на случајот, ќе биде поднесена кривична пријава по член 297-а од Кривичниот законик „безобѕирно управување со моторно возило“, велат од полицијата.