„Пијано центре“ организира пијано маратон „Осум часа љубов“ во НОБ
Првиот пијано маратон на македонската музичка сцена со наслов „Осум часа љубов“ во продукција на „Пијано центре“ ќе се одржи на 6 јуни од 11 до 19 часот во Националната опера и балет.
Промотивно на нови концертни пијана ќе се одржат 10 концерти (полу рецитали) на 13 пијанисти, а ќе настапат врвни пијанистички имиња, како Марија Ѓошевска, динамичното трио „Триптих“ (Марија Вршкова, Елена Атанасовска – Ивановска и Сара Пројковска), Дино Имери, пијанистичкото дуо Емилија Маринова и Верица Шотарова, и Андреј Наунов.
Свои моменти ќе имаат и младите виртуози Милан Дучевски, Гоце Златев, Инес Неделковска, Горјан Стојановски и Виктор Рафајловски. Влезот е слободен, но со ограничен број публика според протоколите на Комисијата за заразни болести.
(Текстот е објавен во „Културен печат“ број 83, во печатеното издание на „Слободен печат“ на 5-6 јуни 2021)