Град Скопје ја урна куќата која се наоѓаше на булевар Трета македонска бригада. Од Град Скопје велат дека објектот според имотен лист бил во нивна сопственост.

„Самиот објект, по имотниот лист е во сопственост на град Скопје, а до сега се водеше правна постапка за преeземање на владение на објектот. Градот Скопје, преку овластен извршител, достави решение до лицето кое живее таму за празнање на објектот и преземање на владение врз истиот. По поминување на сите рокови и исцрпување на сте правни инструменти за извршување на налогот, Градот закажа присилно иселување за денес, а  сопственикот вчера доброволно го предаде објектот. Градот го презеде владението на објектот и доби решение од овластениот извршител“, информираат од град Скопје.

Од таму додаваат дека набргу започнуваат со доизградба на улицата.