Пехчевски: До кога трулиот систем ќе ги мачи и држи во неизвесност пациентите со цистична фиброза?
„Господа од власта, дали би дозволиле да се прави сето тоа на вашите деца, што Вие на нас ни го правите? Да сме на ваше место и да ги држиме во неизвеснот со месеци и со години“, напиша на социјалните мрежи Игор Пехчевски, пациентот кој боледува од цистична фиброза.
Тој истото прашање го упати и до премиерот Димитар Ковачевски, до министерствата за здравство и за финансии.
„Дали сте свесни и колку е жално и болно да ги држите болни луѓе во неизвесност за лек од кој животот им зависи?“ – прашува Пехчевски.
„До кога оваа бирократија ќе трае? До кога нас и нашите семејства ќе не држите во страв и неизвесност? До кога ќе ни создавате дополнителни компликации и проблеми од тие што ги имаме со здравјето. Не може и недозволиво е да ни ги ускратувате лековите кои ни се со Устав загарантирани и од кој зависии нашиот живот и нашата иднина. Го бараме лекот Трикафта (KAFTRIO) веднаш“, пишува Пехчевски.