Со освоениот медал на Европското првенство во Гвадалахара, Павлов исполни норма за настап на Европските игри.

Тој е единствениот македонски каратист на ова натпреварување, што ќе биде негово второ учество на европски игри, откако на првите во Баку пред четири години освои медал.

– Моите подготовки за овие игри се одвиваат доста добро, откако завршив со физичките подготовки, сега во тек се и техничко тактичките подготовки. Измината недела бев на припреми во Панчево кај најуспешните каратисти на Србија, Слободан Битевиќ, светски шампион, и неговиот тренер Пеѓа Стојaдинов, исто така светски шампион. Заедно вежбавме со цел што подобро да се подготвиме за Европските игри – ни изјави Павлов.

Европските игри ќе се одржат во Минск во периодот од 21-30 јуни 2019 година.

Моментно е во Штип каде што ќе остане до понеделник, а потоа ќе отпатува на Премиер лигата во Шангај (Кина) и потоа се враќа на завршни подготовки во Пехчево.

Најдобриот спортист за ланската 2018 година воедно има сон кој што посакува да стане реалност, а тоа е најпрвин обезбедување олимписка норма и секако медал на Летните Олимписки игри во Токио 2020.