Павле Трајанов предлага решение за кризите: Опозицијата да влезе во власта
Пратеникот и лидер на Демократскиот сојуз, Павле Трајанов, вели дека во земјава треба да се формира влада на широка коалиција, во која би влегле чинители од сите политички партии. Тој вели дека не гледа проблем таквата широка владина коалиција да се формира и во моментов.
„Моја сугестија е да се размислува за широка коалиција, во која ќе бидат вклучени сите парламентарни партии и ќе се вклучат сите можни капацитети во државата, за надминување на предизвиците со кои се соочуваме. Под широка коалиција подразбирам да влезе и ВМРО-ДПМНЕ и другите опозициски партии. тоа треба како тема да биде, а втора тема да биде договорот од потреба за одржување на предвремени избори, врзано со промените на Уставот“, рече Трајанов во вечерашното гостување во емисијата „360 степени“ на „Алсат М“.