62-годишна жена пријавила во полиција дека две жени дошле во нејзиниот двор и ѝ кажале дека ѝ е направена магија, а таа им поверувала и им дала ненаведена сума пари и одредено количество накит да ѝ ја симнат „магијата“.

Дека навистина била „маѓепсана“, но не од некоја невидилива сила, туку токму од двете бајачки-наводни спасителки, жената сфатила дури некое време подоцна.

„На 06.12.2025 во 17:00 часот во ОВР Кочани, 62-годишна жена пријави дека била измамена од две женски лица. Според пријавеното, во двор од семејната куќа во кочанско село, дошле две жени и на оштетената и рекле дека и е направена магија, а за да ѝ помогнат и побарале накит и пари. Откако им дала пари и личен накит, тие си заминале“, велат од МВР.

Полицијата ги бара двете измамнички.