Парични казни за 10 скопјани кои не го почитувале полицискиот час
Десетмината се обвинети за кривично дело непостапување според здравствените прописи за време на епидемија.
Основното јавно обвинителство од Скопје поднесе шест предлози за издавање казни за 10 лица, обвинети за кривично дело непостапување според здравствените прописи за време на епидемија.
„Обвинетите не се придржувале до одлуката за забрана и посебен режим на движење на територијата на Македонија, односно за време на полицискиот час биле затекнати на различни локации во Скопје без да поседуваат дозвола за движење.
Јавното обвинителство на Кривичниот суд му предложи на сите обвинети да им изрече парични казни од 100 дневни глоби, при што висината на една дневна глоба да биде определена на 20 евра во денарска противвредност“ се вели во соопштението од ОЈО.