Палевски од Белград за Бугарија го носи лице од Скопје, уапсен е во Баликесир во Турција
![](https://www.slobodenpecat.mk/wp-content/uploads/2023/12/оливер.png)
Министерот за внатрешни работи Оливер Спасовски реше дека Љупчо Палевски прво заминал за Белград и се сместил во хотел.
– Палевски од Скопје со својот адвокат, со негово возило шкода суперб, стигнал до Белград и таму преноќил во еден хотел. Наредниот ден го презело друго лице од Скопје со џип „ренџ ровер“ и преку граничниот премин Градина влегол во Бугарија, по што влегол во Турција во градот Баликесир.
Македонските служби стапиле во контакт со оперативен извор во Турција со потврда дека Палевски е во Баликесир и дека од тука сака да замине во Истанбул. Најмил такси-возач за да отиде во Истанбул, но повторно се вратил во градот, симулирал одење во Истанбул. Денеска попладнево е уапсен од турската полиција додека одел пеш низ градот, рече Спасовски и покажа фотографии од уапсениот Палевски испратени од Турција.