80-годишна жена од Битола вчера пријавила дека непознат измамник, кој ѝ се јавил и ѝ кажал дека нејзината ќерка била повредена во сообраќајна несреќа и дека треба да ѝ се изврши итна операција, за која треба да плати. Жената му дала на непознат човек златен накит и пари во три различни валути, пред да сфати дека е измамена, велат од полицијата.

„На 09.03.2026 во 15:50 часот во СВР Битола, 80-годишна битолчанка пријавила дека била измамена од едно лице за сума од 150.000 денари, 150 евра, 1.300 австралиски долари, како и златен накит. Според пријавеното, лицето ѝ се јавило телефонски и ја известило дека нејзината ќерка била повредена во сообраќајна несреќа, при што требало да се направи итна операција, за која требало да се плати. Како што е пријавено, откако се договориле, ги дала парите на лице позади зградата во која живее, а подоцна сфатила дека е измамена. Се преземаат мерки за расчистување на настанот“, пишува во полицискиот билтен.

Гевгеличанец возел мртов пијан, бегал од полицијата и со колата се забил во споменик на сретсело