Во средновековните денови, катедралите биле преплавени со глувци и стаорци. За да ги држи штетниците под контрола, прекрасната катедрала во Ексетер – формално позната како катедрала Свети Петар, Ексетер – „вработува“ мачки со векови.

Тие дури направиле и влез за мачки на една од вратите, издлабувајќи отвор со големина на мачка во дрвото. Овој симпатичен знак за почитта кон овие специјални станари, ја фасцинираше интернет публиката. Постојат дури и историски докази кои покажуваат дека тие биле добро платени за нивните ловечки услуги.

The oldest existing cat door.

Exeter Cathedral, UK, has a 1305 AD door that is mentioned as an entrance for cats. pic.twitter.com/8UUu434LbL

— Brian Roemmele (@BrianRoemmele) December 17, 2022

Катедралата Ексетер била изградена во текот на неколку векови од средновековниот период. Има две нормански кули кои датираат од 1133 година. Куполата од 13 век има декадентен дрвен засводен таван.

Поголемиот дел од камениот олтар бил подигнат во 14 век, вклучувајќи го и прекрасниот издлабен епископски трон.
Со оглед на големината на овој верски центар, потребни биле многу раце за да може да работи непречено. Меѓу помагачите имало чувари – работници во катедралата кои ги надгледувале работите како ѕвоното и свечените одежди. Друга посебна должност се чини дека била плаќањето на катедралната мачка.

Овие корисни мачки имале древна вратичка за мачки, дупка исечена на вратата на Северната кула. Водела внатре во катедралата, под прекрасен средновековен астрономски часовник, каде што мачките можеле да трчаат во потрага по глувци.

Во замена за услугата, мачките била добро платени. Од 1305 до 1467 година, платите на мачките се појавуваат во записите на катедралата.

Според некои забелешки, „на чуварите или мачките“ им биле давани по 13 пени. Платата на мачката, која изнесувала едно пени неделно, веројатно ја користел нејзиниот сопстевник.
Како што известува „Мај модерн мет“ (MyModernMet), две мачки биле на платен список кога трошоците се удвоиле на 26 пени помеѓу 1363 и 1366 година.