Фудбалскиот клуб Барселона речиси сигурно ќе ангажира нов напаѓач во текот на летото, но се чини дека во овој момент нема да влезе во трката за Хулијан Алварез по секоја цена. Иако аргентинскиот напаѓач од Атлетико Мадрид долго време се споменува како голема желба на Каталонците, клубот од „Камп Ноу“ не сака да прави никакви брзи потези во моментов.

И покрај фактот дека засилувањето на нападот е еден од приоритетите пред следниот преоден рок, Барса е свесна дека евентуалниот договор за Алварез би бил исклучително комплициран. Пред сè, Атлетико сака да го задржи еден од своите најважни играчи и е подготвена да го подобри неговиот договор, што дополнително би го комплицирало секој обид на конкурентите да го земат.

Покрај тоа, Барселона не верува дека одлуката за негово доведување е веќе конечно донесена, па затоа најновите потези на мадридскиот клуб не предизвикуваат паника. Во Каталонија веруваат дека Атлетико сака да ја обезбеди иднината на играчот со овој потег, но и дополнително да го мотивира во важен дел од сезоната.

Финансиската структура на целиот договор, исто така, претставува голем проблем. Надоместоците, платата и сите поврзани трошоци за трансфер тешко би се вклопиле во рамката што Барселона се обидува да ја почитува во последните сезони. Затоа клубот не сака да оди подалеку од јасно поставените граници, особено имајќи ги предвид ограничувањата на финансискиот фер-плеј.

Поради сето ова, потенцијалниот трансфер на Хулијан Алварез во Барселона во овој момент повеќе изгледа како комплицирана и далечна можност отколку како договор што е блиску до реализација.

🚨 THE BARÇA FANS HAVE SPOKEN:

52.5% would prefer to sign Victor Osimhen over Julian Alvarez this summer. pic.twitter.com/cuLRoTl7bR

— Barça Universal (@BarcaUniversal) March 27, 2026

Да ве потсетиме дека Барселона и Атлетико Мадрид ќе одиграат два дуела за само четири дена, прво на 4 април ќе се соочат во Ла Лига на „Метрополитано“, а потоа на 8 април ќе се соочат i во првиот натпревар од четвртфиналето на Лигата на шампионите, а Барселона ќе биде домаќин.

Воедно во изминатиот период, навивачите гласаа кого повеќе преферираат да потпише клубот ова лето: Виктор Осимен или Хулијан Алварез. Вкупно 52,5% преферираат клубот да го ангажира Нигериецот Осимен од Галатасарај.