Најдобрата македонска фудбалска репрезентација не успеа да обезбеди пласман на Светското првенство 2026 откако доживеа елиминација во полуфиналето од плејофот против Данска во Копенхаген (4:0).

Беше одигран и пријателски натпревар во Даблин против Ирска кој заврши без голови (0:0).

Новиот селектор Гоце Седлоски и неговиот стручен штаб во следниот период се очекува да направат една добра и длабока анализа на сè што е направено во изминатиот период, што мора да се поправи, во кои делови од играта на теренот треба да има подобрување пред следните предизвици.

А новите мечеви ќе дојдат во септември годинава во Лигата на нации, односно во Лигата Б, во која ќе имаме силни противници како Швајцарија, Словенија и Шкотска.

Претседателот на Фудбалската федерација на Македонија (ФФМ), Масар Омерагиќ вели дека и кога губиме, треба да останеме силни:

– Едно поглавје останува зад нас, сега сме пред нов предизвик. Македонската репрезентација не е само резултат. Тоа е чувство, припадност и гордост. Затоа, кога победуваме, да останеме приземни, а кога губиме, да останеме силни. Вредноста на оваа репрезентација не смее да зависи од еден резултат. Ова е наше. И кога победуваме и кога губиме. Поддршката не е аплауз само за победа, туку карактер во пораз. Како федерација создаваме услови во кои селекторот и фудбалерите имаат фокус да работат. Ќе направиме сè што треба, за тие да мислат само на играта, а ние на нив. Останува најважното, да бидеме заедно. Затоа што ова не е само тим. Ова сме ние – се зборовите на Омерагиќ.