Олимписките игри ќе се одржат дури и да има вонредна состојба во Токио
Претставник на организацискиот одбор потврди дека Олимписките игри во Токио ќе се одржат по секоја цена.
Игрите во Токио поради пандемијата на коронавирусот беа одложени за една година и наместо минатото лето, ќе се одржат ова лето иако пандемијата на коронавирусот им прави огромни проблеми на Јапонците.
Во последниот период бројот на заразени од коронавирус во Јапонија се зголемува, а исто така се зголемува и отпорот на населението за ново одложување на Игрите.
Но, од организацискиот одбор ја уверуваат јапонската јавност дека нема да има ново одложување и дека најдобрите спортисти на светот од 23 јули до 8 август ќе бидат во Токио.
– Олимписките игри ќе се одржат дури и доколку во Токио биде воведена вонредна состојба. Во олимпиското село преку 80 проценти од спортистите ќе бидат вакцинирани – изјави потпретседаделот на Меѓународниот олимписки комитет (ИОК), Џон Коутс.