Преку донација на медицинска опрема во вредност од 50 илјади евра наменета за здравствениот систем во земјава компанијата ОКТА дава придонес во борбата со епидемијата предизвикана од корона вирусот.

Донацијата предвидува набавка на еден видео бронхоскоп и 16 инфузиони пумпи, апарати кои од Министерството за здравство беа посочени како неопходни во моментов. Целата набавена опрема деновиве ќе биде испорачана на Клиниката за инфективни болести во Скопје.

Од компанијата посочуваат дека во целост ги почитуваат препораките на надлежните институции за превенција од ширење на коронавирусот и секојдневно го следи развојот на настаните, истовремено обезбедувајќи непрекинато снабдување со гориво на државата во овие моменти на криза.